37) నా గర్ల్ ఫ్రెండ్ యోనిని చూడనివ్వడం లేదు.. ఏం చేయాలి?

నా వయస్సు 26 యేళ్లు. నా గర్ల్ ఫ్రెండ్ వయస్సు 23 యేళ్లు. మేమిద్దరం ఒకే కంపెనీలో పని చేస్తున్నాం. మేమిద్దరం నాలుగేళ్లుగా ప్రేమించుకుంటున్నాం. త్వరలోనే వివాహం చేసుకోబోతున్నాం. అయితే, మా మధ్య ఎలాంటి దాపరికాలు లేవు. అన్ని రకాల ముద్దులు ముచ్చట్లలో మునిగిపోతున్నాం. అన్నింటికీ సమ్మతించినా యోని భాగాన్ని చూసేందుకు మాత్రం ఆమె సమ్మతించడం లేదు. అదేంటని అడిగితే.. ఆ ప్రాంత చర్మమంతా నల్లగా ఉంటుంది.. అది చూస్తే అసహ్యించుకుంటావు అని అంటోంది. ఎంత చెప్పినా వినడం లేదు. ఏం చేయాలి. పైగా.. యోని చర్మం తెల్లగా మారేందుకు ఏమైనా క్రీములు ఉంటే తెచ్చివ్వు అని అడుగుతోంది. ఏమని చెప్పాలి.?


శరీర చర్మ రంగు కంటే వజీనా భాగం రంగు నల్లగానే ఉంటుంది. ఈ విషయంలో ఎలాంటి చింతా అవసరం లేదు. వెంట్రుకల తొలగింపునకు వాడే క్రీముల వల్ల నల్లగా తయారై ఉంటుందని మాత్రం భావించకండి. అందువల్ల గర్ల్ ఫ్రెండ్‌కు వాస్తవ పరిస్థితిని వివరించండి. అప్పటికీ వినకపోయినట్టయితే, సెక్స్ నిపుణుల వద్ద కౌన్సెలింగ్ ఇప్పించి, ఆమె మనస్సులో పడిన భావాన్ని తొలగించేందుకు ప్రయత్నించండి. ఇదే సమస్యకు అసలైన పరిష్కారం. యోని చర్మం రంగు మారేందుకు మార్కెట్‌లో ఎలాంటి క్రీములు అందుబాటులో లేవు. అలాంటి ప్రకటనలు లేదా సలహాలు నమ్మి మోసపోవద్దు.